काठमाडौं । उच्च अदालत पाटनले क्रिकेटर सन्दीप लामिछानेबाट बलात्कारमा परेकी गौशाला २६ को जन्मदर्ताको प्रमाणित प्रतिलिपि र उनले दिएका निवेदनको सक्कल प्रति माग गरेको छ ।
न्यायाधीश मुनेन्द्रप्रसाद अवस्थी र दुर्गाप्रसाद ढुंगेलको इजलासले यस्तो आदेश दिएको हो । सन्दीप लामिछानेको बलात्कारसम्बन्धी मुद्दामा आजदेखि उच्च अदालत पाटनमा सुनुवाइ सुरु भएको हो । गौशाला २६ को बलात्कार अभियोगमा दोषी ठहर भएका सन्दीपलाई अधिकतम सजाय माग गर्दै उच्च सरकारी वकिलको कार्यालय र आफूले सफाइ पाउनुपर्ने जिकिर गर्दै सन्दीपले दिएको पुनरावेदन मुद्दामा उच्च अदालतमा आजदेखि सुनुवाइ सुरु भएको हो ।
निलम्बिन न्यायाधीशद्वारा जिल्ला अदालतमा आत्मसमर्पण
यसैबीच, वैवाहिक जबरजस्ती करणीको आरोप लागेका निलम्बित जिल्ला न्यायाधीश भुवन गिरीले काठमाडौं जिल्ला अदालतमा आत्मसमर्पण गरेका छन् । सर्वोच्च अदालतले चैत २१ गते वैवाहिक जबर्जस्ती करणीको आरोप लागेका न्यायाधीश गिरीलाई थुनामा राख्न आदेश दिएको थियो । सर्वोच्चको आदेशपछि न्यायाधीश गिरीले आत्मसमर्पण गरेका हुन् ।