काठमाडौं । साबिक विजेता कार्लोस अल्काराज बार्सिलोना ओपनबाट बाहिरिएका छन् ।
उनी चोटका कारण प्रतियोगिताबाट बाहिरिएका हुन् । उनको दाहिने हातमा चोट लागेको बताइएको छ । साथै २० वर्षीय अल्काराजले अर्को साताबाट सुरु हुने मड्रिड ओपनसमेत गुमाउने सम्भावना छ ।
दुई पटकका ग्रान्डस्लाम च्याम्पियन अल्काराजले २०२२ र २०२३ मा बार्सिलोना ओपन जितेका थिए । चोटकै कारण स्पेनिस विश्व नम्बर तीन अल्काराजले गत हप्ता सम्पन्न मोन्टे कार्लो मास्टर्स समेत गुमाउका थिए । गत महिना सम्पन्न इन्डियन वेल्स ओपन जित्दै वर्षको पहिलो र एक मात्र उपाधि जितेका अल्काराजले आफ्नो सबै ध्यान ठीकसँग रिकभर केन्द्रित गरेको बताएका छन् ।
रफायल नडाल भने चोट मुक्त हुदै यसै प्रतियोगिता मार्फत कोर्टमा फिर्किने भएका छन् ।
