ओखलढुंगाको आठ स्थानीय तहमा दुई दर्जन बढी खेल मैदान बनाउने भनेर काम थालिएको थियो । गएको पाँच वर्षमा खेल मैदान निर्माणमा १० करोडभन्दा बढी खर्च भएको छ । तर ओखलढुंगामा अहिलेसम्म एउटा पनि जिल्लास्तर र प्रदेशस्तरको खेल खेलाउन मिल्ने मैदान तयार भएको छैन ।
दृश्यमा देखिएको प्याराफिट ओखलढुंगा सदरमुकामको खेल मैदानको हो । गतवर्ष २४ लाख रुपैयाामा बनेका प्याराफिट लागतअनुसारको नभएको भन्दै विरोध भएको छ । ३० लाख खर्च गरेर बनाइएको मानेभन्ज्याङ गाउापालिका ४ केत्तुकेको खेलमैदान पनि अलपत्र छ । यी केही उदाहरण मात्र हुन् । गएको पााच वर्षमा जिल्लाभित्र खेलमैदान निर्माणमा १० करोडभन्दा बढी रकम खर्च त भयो । तर स्तरिय खेल मैदान बनेन । निर्माण सम्पन्न नभएका र बन्दाबन्दै रोकिएका खेल मैदानले सरकारी रकमको चरम दुरुपयोगलाई छर्लङ्ग पारेको छ ।
राष्ट्रिय खेलकुद परिषदले पठाएको बजेट पहुाचकै आधारमा खेलमैदान निर्माणमा खर्च हुने गरेको छ । तर खर्च योजनावद्ध रुपमा नहुादा मैदान बन्न सकेको छैन । खेलमैदान निर्माणमा स्थानीय र प्रदेश सरकारको बजेट पनि पटक पटक खर्च भएको छ । जिल्लाको आवश्यकता हेरी पूर्वाधार निर्माण गरिनु पर्नेमा त्यस्तो भएको छैन । इन्डोर खेलका लागि ओखलढुंगामा अहिलेसम्म कुनै कभर्डहल निर्माण भएको छैन । प्रशिक्षण दिने र खेलाडी उत्पादन गर्ने गतिविधि ठप्प छ ।
भएकै खेलमैदानलाई आवश्यकताको आधारमा स्तरोन्नति नगर्ने हो भने खेलमैदान बनाउने नाममा कमाउने धन्दा मात्रै हुने देखिन्छ
