काठमाडौं । सन् २०२४ को वसन्त ऋतुको सगरमाथा आरोहणका लागि बाटो बनाउने काम सकिएको छ ।
चैत १ गते पूजा गरेर रोप फिक्सिङ अर्थात् डोरी टाँग्ने काम सुरु भएको थियो । रोप फिक्सिङको काम सक्न गर्न यसपटक ३६ दिन लागेको पर्यटन विभागले जानकारी दिएको छ ।
रोप फिक्सिङ टोलीले सन् २०१४ भन्दा पहिलो प्रयोग हुने लोला पिक नजिकैबाट नयाँ बाटो बनाएको छ । सन् २०१४ देखि २३ सम्म प्रयोग गरेको बाटोको पहिलो शिविरमा हिउँ अस्थिर भएपछि नयाँ बाटो बनाइएको हो । बाटो बनेसँगै बुधबारदेखि दोस्रो शिविर पनि खुला गरिएको छ ।
सगरमाथा आरोहणका लागि अहिलेसम्म २७४ जनाले अनुमति लिइसकेका छन् ।