काठमाडौं । इलाम-२ मा प्रतिनिधिसभा सदस्यका लागि भएको उप निर्वाचनको मत गणनामा एमालेका उम्मेदवार सुहाङ नेम्वाङको अग्रता कायमै छ । अहिलेसम्मको मत गणनामा नेम्वाङ नेपाली कांग्रेसका डम्बर खड्का भन्दा १ हजार ९ सय २३ मतले अगाडि रहनुभएको छ ।
एमालेका नेम्वाङले ७ हजार ३२ मत ल्याउनु भएको छ भने कांग्रेसका खड्काले ५ हजार १ सय ९ मत ल्याउनुभएको हो । यस्तै स्वतन्त्रका डेकेन्द्रसिंह थेगिमले ३ हजार ५ सय १३ र रास्वपाका मिलन लिम्बुले १ हजार १ सय २ मत ल्याउनुभएको छ ।
