काठमाडौं । घरेलु टोली नेपाल र वेस्टइन्डिजको 'ए' बीचको पाँच खेलको टी-ट्वेन्टी सिरिज हिजोबाट सुरु भएको छ । सिरिजको दोस्रो खेल आज टीयू क्रिकेट मैदानमा दिउँसो सवा १२ बाट सुरु हुनेछ ।
हिजो भएको पहिलो खेलमा नेपाल ४ विकेटले विजयी भएको छ । वेस्ट इन्डिजले दिएको २ सय ५ रनको लक्ष्य नेपालले २ बल बाँकी छँदै ६ विकेट गुमाएर २ सय ६ बनाउँदै पूरा गर्यो । नेपालको जितका लागि कप्तान रोहित पौडेलले १ सय १२ रनको शतकीय पारी खेले ।
रोहित पौडेको कप्तानीमा रहेको नेपाली टिमममा २० जना खेलाडी छन् । नेपालको टिममा कप्तान रोहित पौडेल, कुशल भुर्तेल, आसिफ शेख, दीपेन्द्रसिंह ऐरी, अनिल साह, कुशल मल्ल, सन्दीप जोरा, गुल्सन झा, करण केसी, प्रतिश जिसी, विवेक यादव, अभिनास बोहरा, सोमपाल कामी, ललित राजवंशी, आरिफ शेख र आकश चन्द छन् । यस्तै टिममा लोकेश बम, कमल सिंह ऐरी, सागर ढकाल र विनोद भण्डारी पनि छन् ।
रोस्टन चेशको कप्तानीमा रेहको क्यारेवियन टिममा दुई पटकका टी-ट्वेन्टी विश्वकप विजेता जोनसन चाल्स सामेल छन् । आन्द्रे फ्लेच, ओबेद म्याककोय, ओशेन थोमस एलिक एथानाजे, किमो पल र फबिएन एलेन पनि विश्व स्तरीय क्रिकेटरहरु हुन् ।
आईसीसीले १ महिनापछि सुरु हुने टी-ट्वेन्टी विश्वकपमा सहभागी हुने सबै टोलीलाई मे १ सम्म अन्तिम टोली घोषणा गर्दै नामावली पेस गर्न निर्देशन दिएको छ । त्यसैकारण हिजो र आजको खेलको प्रदर्शन दुवै टिमका खेलाडीहरुका लागि निकै महत्वपूर्ण छ ।
