काठमाडौं । राष्ट्रिय स्वतन्त्र पार्टी (रास्वपाले) सहकारी अनियमितता सम्बन्धी व्यक्ति केन्द्रित छानबिन स्वीकार नगर्ने भएको छ ।
आज बिहान सिंहदरबारस्थित पार्टीको संसदीय दलको कार्यालयमा बसेको रास्वपा संसदीय दलको बैठकले सहकारीमा व्यक्ति केन्द्रित छानबिन नमान्ने निर्णय गरेको हो । रास्वपाले सहकारीको समग्र छानबिनमा बाधक भने नबन्ने निर्णय गरेको छ ।
बैठकमा आगामी वर्षे अधिवेशनमा संसद्मा कसरी प्रस्तुत हुने भन्नेबारेमा पनि छलफल भएको थियो । संसद्को बजेट अधिवेशन प्रभावकारी बनाउन भूमिका निर्वाह गर्नेसमेत रास्वपा संसदीय दलले निर्णय गरेको छ ।
