भक्तपुर । भक्तपुरको चाँगुनारायण नगरपालिका २ स्थित दुवाकोटमा सञ्चालित प्लाई उद्योगमा आगलागी भएको छ । भक्तपुरको दुवाकोटमा रहेको ज्योति प्लाई उद्योगमा विद्युतसर्ट भएर आगलागी भएको सञ्चालक सन्तोषमान श्रेष्ठले बताउनुभयो ।
आगलागीका कारण प्लाई बनाउन प्रयोग हुने काठ, कच्चा पदार्थ, प्लाई बनाउन प्रयोग हुने आध दर्जन मेसिनहरु र एउटा गाडी जलेर नस्ट भएको छ । गएराति साडे ११ वजे देखि लागेको आगलागी बिहान करिब ८ बजे नियन्त्रणमा आएको छ । आगलागी नियन्त्रणमा लिन भक्तपुर, काठमाडौं, ललितपुरका साथै धुलिखेल नगरपालिकाको दमकल र स्थानीय ट्यांकर व्यवसायीको सहयोगले आगलागी नियन्त्रणमा आएको वडाध्यक्ष सोम प्रधानले जानकारी दिनुभयो ।
अगलागीकावाट करिब दुई करोड रुपैयाँको क्षति भएको व्यवसायी श्रेष्ठले बताउनुभयो । घटनाको अनुसन्धान भइरहेको प्रहरीले जनाएको छ । आगलागीबाट भएको क्षतिको विवरण भने अनुसन्धानपछि आउने प्रहरीको भनाइ छ ।
