काठमाडौं । त्रिभुवन विश्वविद्यालय कर्मचारी संघको एक समूहले आज आफूहरुलाई नसोधी कर्मचारी सरुवा गरेको भन्दै रजिस्ट्रार केदार रिजालप्रति आक्रोश व्यक्त गरेका छन् ।
महाशाखाका सह-प्रशासक भीमबहादुर श्रेष्ठलाई त्रिवि शिक्षण अस्पतालको प्रशासन प्रमुखमा सरुवा गरिएपछि संघका अध्यक्ष छत्र कार्कीसहितको समूहले रजिस्ट्रारको कार्यकक्ष पुगेर आक्रोश पोखेको हो ।
रजिस्ट्रारको निर्णयमा आफूहरुलाई प्रश्न सोध्ने अधिकार रहेको भन्दै उनीहरुले यसलाई हस्तक्षेपको रुपमा लिने हो भने यस्तो हस्तक्षेप सुरु हुने चेतावनी दिएका थिए ।
विश्वविद्यालयले भने कर्मचारी कुनै पनि ठाउँमा सरुवा गर्न सक्ने अधिकार रहेको र निर्णय लागु हुने जनाएको छ ।
यता शिक्षा मन्त्रालयले घातक रोग लागेर उपचाररत शिक्षकबाहेक काजमा रहेका अन्य सबै सामुदायिक विद्यालयका शिक्षकको काज फिर्ता गर्ने निर्णय पनि गरेको छ ।