काठमाडौं उपत्यका प्रवेशको मुख्य नाका त्रिभुवन राजपथको सिस्ने खोलादेखि थानकोटसम्म निर्माण गर्न लागिएको सुरुङमार्ग आसपासको सडक कामै नलाग्ने गरी भत्किएको छ । सधैं व्यस्त हुने यस खण्डमा सडक व्यवस्थित नहुँदा यात्रा कस्टकर मात्र बनेको छैन, घण्टौंको जामले यात्रुले थप सास्ती व्यहोर्नु परेको छ ।
सडक विस्तार र अन्य काम गरिरहेको वेला सडक विग्रनु स्वभाविक हो तर विग्रीएको सडक निर्माण गर्नुपर्ने सरोकारवाला निकायले एकले अर्कोलाई देखाएर पन्छिरहादा राजमार्गमा यात्रुले घन्टौं जामको सामना गर्नु परेको छ ।
६८ जिल्लाका नागरिकले संघीय राजधानी काठमाण्डौ प्रवेश गर्ने यस क्षेत्रमा पछिल्लो समय निर्माणाधीन सुरुङमार्ग आसपासको क्षेत्रमा सडक भत्किएको छ । त्यसमाथि चाडपर्व नजिकिएकाले सवारी साधनको चाप बढेको छ । अझ ठाउा ठाउामा सवारी साधन बिग्रदा लामो समय जाम हुने गरेको छ ।
बिग्रिएको सडकका कारण एकातिर सवारीको गति घट्न जान्छ भने लोड बोकेर आएका सवारी साधन बिग्रएसँगै राजमार्ग एकातर्फी मात्र सञ्चालन हुने गरेको छ ।
सडक बिग्रदा यात्रुले ४० मिनेटको दुरी पार गर्न घण्टौं खर्चिनु परेको छ भने दैनिक तीन सयभन्दा वढि विरामी बोकेर राजमार्गमा कुद्ने एम्वुलेन्स समयमा नै अस्पताल नपुग्दा अकालमा बिरामीको मृत्यु समेत हुने गरेको छ ।
अहिले दैनिक १३ हजारको हाराहारीमा सवारीसाधन आउजाउ गर्छ । चाडबाड नजिकिएसाग यो संख्या बढेर दैनिक २० हजार सम्म पुग्छ । सडकको अवस्थामा सुधार नआउने हो भने राजमार्गको अवस्था झन कष्टकर हुने निश्चित छ ।