राजधानी काठमाडौं दिनभर व्यस्त भए पनि साँझ पर्न नपाउँदै चकमन्न

असार ११, २०७९

सामान्यतः विश्वका ठूला शहर अझ महानगरहरु २४ सै घण्टा चलायमान हुन्छन् । सम्पन्न मुलुकको भ्रमण गरेर फर्किएका नेपालीहरु पनि आफ्नो देशमा पनि त्यस्तै कल्पना गर्दछन् । तर संघीय राजधानीसमेत रहेको काठमाडौं महानगर दिनभर व्यस्त भएपनि साँझ खस्न नपाउँदै चकमन्न हुने गरेको छ । कतिसम्म भने, राति आकस्मिक सेवा लिनु पर्‍यो भने नागरिकले निकै कष्ट भोग्नुपर्छ ।

संघीय राजधानी काठमाडौं जहाा करिब ४० लाख मानिस बस्छन् । यहाा अनेक किसिमका व्यवसाय छन्, औद्योगिक क्षेत्र छ । तर काठमाडौं रातको ८ बजे नै सुनसान हुन्छ । विकसित देशका ठूला महानगर २४ सै घण्टा खुल्छन् । जसले अर्थतन्त्रको विकासमा सहयोग पुगेको छ । काठमाडौंले पनि आर्थिक समृद्धि हासिल गर्न रातदिन काम गर्नुपर्ने हो तर रातको ८ बजेपछि यहाँ सार्वजनिक सवारी साधन भेट्नै मुस्किल छ । 

ठमेल र दरबार मार्गका केही रात्रीकालीन व्यवसायबाहेक अन्य क्षेत्र सम्सााझै सुनसान हुन्छ । 

राति शहरका मुख्य चोकमा छिट्टफुट्ट ट्याक्सी रोकिएका हुन्छन् । यस्ता ट्याक्सी अप्ठेरो परेर चढ्नेहरुका लागि निकै महंगो हुन्छ । 

केही वर्षअघि काठमाडौं महानगरपालिकाले राति १० बजेसम्म सार्वजनिक बस चलाउन थालेको थियो । तर पछि रोकियो । अहिले पनि बेलाबेलामा काठमाडौंको रात्रीजीवन चलायमान बनाउने चर्चा त चल्छ,  तर त्यत्तिकै सेलाउाछ । दिनभर हुने भीडभाड कम गर्न र नागरिकलाई व्यस्त बनाउादै आर्थिक गतिविधि चलायमान बनाउन पनि संघीय राजधानीबाटै प्रयास किन नगर्ने ?