पाँच वर्षपछि भएको स्थानीय तहको निर्वाचनमा मतदान गर्न स्वदेश फर्किएका युवा पुनः विदेशिन थालेका छन् । स्थानीय तहमा आफ्ना जनप्रतिनिधि चयन गरेपछि उनीहरु र्फकन थालेका हुन् । श्रमका लागि विदेशीन बाध्य युवाले नवनिर्वाचित जनप्रतिनिधिप्रति कस्ता अपेक्षा राखेका छन् त ?
रुपन्देहीको बेलहिया नाकाबाट भारततर्फ जाादै गरेका यी नेपाली नागरिक कामको खोजिमा छन् । आफ्ना जनप्रतिनिधि चयनका लागि स्वदेश फर्किएका युवाहरु अब धमाधम पुनः विदेशीन थालेका हुन् । मातृभूमिमै रोजगारीको व्यवस्था भए उनीहरु भारत जानै चाहादैनन् । तर, स्थानीय सरकारले विदेशीने श्रमिकलाई रोक्न खासै पहल गरेको छैन ।
निर्वाचनमा सहभागी हुन भारतबाट स्वदेश फर्किएका नागरिक पुनः त्यसतर्फ जान थालेका हुन् । पश्चिम नेपालका बेलहिया, कृष्णनगर, जमुनाहा, गौरी फण्टा र गड्डा चौकी नाका भएर दैनिक पााच हजार बढी नागरिक भारत पलायन भइरहेका छन् । उनीहरुले नवनिर्वाचित जनप्रतिनिधिलाई जनअपेक्षा अनुसार काम गर्न सुझाएका छन् ।
स्थानीय तह निर्वाचनमा सहभागी हुन जोस, उत्साह र उमंगका साथ देश-विदेशबाट नेपालीहरु आए । त्यसै अनुरुप नवनिर्वाचित जनप्रतिनिधि पनि आफ्नो कार्यकालको अवधिमा अपेक्षाकृत काम गर्नुपर्ने दायित्व छ । त्यसैले पनि विदेशीने यस्तो श्रमलाई रोक्न घरेलु तथा साना उद्योग र व्यापार व्यवसायलाई सहजीकृत गर्न आवश्यक देखिन्छ ।