स्वास्थ्य

नेपाल लगायत विश्वका दश देशमा नयाँ प्रजातिको कोरोना भाइरस : सह-प्रवक्ता, स्वास्थ्य मन्त्रालय

असार ७, २०७८

कोरोना भाइरसको डेल्टा प्रजाति नयाँ स्वरुपमा देखिएको छ । नेपालका ४८ नमुनाको परीक्षण गर्दा नौ जनामा डेल्टा प्रजाति नयाँ स्वरुपमा देखिएको स्वास्थ्य मन्त्रालयले जनाएको छ । डेल्टा पहिलोपटक भारतमा पहिचान गरिएको प्रजाति हो । राष्ट्रिय जनस्वास्थ्य प्रयोगशालाले वैशाख २६ गते नमुना छनोट गरेर विश्व स्वास्थ्य संगठनको समन्वयमा परीक्षणका लागि भारत पठाएको थियो । संकलित नमुनामध्ये एउटामा अल्फा भेरियन्ट देखिएको थियो ।

पूरा पढ्नुहोस् »

पहाडी र हिमाली १७ जिल्लामा सक्रिय संक्रमितको संख्या बढ्यो 

असार ४, २०७८

कोभिड संक्रमणको जोखिम कम भएको निष्कर्षमा निषेधाज्ञा विस्तारै खुकुलो पार्न थालिएको छ । सहरी क्षेत्रमा संक्रमण घटेपनि  गाउँवस्तीमा भने बढिरहेको छ । १७ वटा पहाडी र हिमाली जिल्लामा एक सातामा सक्रिय संक्रमितको संख्या कम हुनुको साटो थपिएको छ । त्यसैले आवागमन खुकुलो बनाउँदा कोभिड फेरि भयावह हुन सक्ने जोखिम चिकित्सकले औंल्याएका छन् । 

पूरा पढ्नुहोस् »

आइसोलेसनमा बस्नुपर्नेहरु नै भोजभतेरमा

असार ३, २०७८

स्वास्थ्यकर्मीले घरघर पुगेर कोरोनाको जाँज गराउन खोज्दा पनि स्थानीयको अटेरीले ग्रामीण क्षेत्रमा कोरोना झनै बढ्न थालेको छ । कोरोना संक्रमित व्यक्तिले स्वास्थ्य परीक्षण गराएर सुरक्षित आईसोलेसनमा बस्नु पर्नेमा निर्वाध समाजमा घुम्न थालेका कारण ग्रामीण क्षेत्रमा कोरोना संक्रमित तीव्ररुपमा फैलिएको स्वास्थ्यकर्मीको अनुभव छ ।

पूरा पढ्नुहोस् »

कोरोनाविरुद्धको खोप व्यवस्थापन अन्योलमा

असार २, २०७८

कोभिडविरुद्धको खोप सहयोग गर्न राष्ट्रपति विद्या भण्डारीले जेठ दोस्रो साता विभिन्न देशका प्रमुखलाई पत्राचार गरेकी थिइन् । तर चीनबाहेक कुनै पनि मुलुकबाट खोप आउनु त टाढाको कुरा, अहिलेसम्म पत्रको नै जवाफ आएको छैन ।

पूरा पढ्नुहोस् »

गम्भीर भएपछि मात्र अस्पताल पुग्ने प्रवृत्तिले मृत्युदर घटेन

असार १, २०७८

कोभिडको पहिलो लहर उच्च विन्दुमा पुग्दा एकै दिन ३२ जनाले ज्यान गुमाएका थिए । अहिले दोस्रो लहरमा संक्रमणदर घट्यो भनिरहँदा नै दैनिक मृत्यु ४६ बाट घटेको छैन । चिकित्सकहरुका अनुसार, कोभिडका बिरामी गम्भीर भएपछि मात्र अस्पताल पुग्ने गरेकाले मृत्युदर अपेक्षाकृत कम हुन नसकेको हो । 

पूरा पढ्नुहोस् »

विदेशबाट प्राप्त सहयोग सामग्रीको वितरण पारदर्शी भएन

जेष्ठ ३१, २०७८

कोभिड रोकथामका लागि विदेशबाट सहयोग नआएको दिन नै छैन । विभिन्न मुलुकका साथै संघसंस्थाले सहयोग गरिरहेकै छन् । तर विदेशबाट प्राप्त सहयोग पहुँचका आधारमा वितरण भइरहेको छ । सरकारले एकद्वार नीति अवलम्बन गरेको भनेपनि त्यसको परिपालना भएको छैन।

पूरा पढ्नुहोस् »

प्रदेश दुईमा निषेधाज्ञाकैबीच स्वास्थ्य सुरक्षाको बेवास्ता 

जेष्ठ ३०, २०७८

दोस्रो चरणको कोरोना संक्रमण फैलिन नदिन सरकारले वैशाखदेखि निषेधाज्ञा जारी गरे पनि प्रदेश दुईमा कुनै पालना गरेको पाइदैन । सुरक्षा सतर्कतालाई कुनै ख्यालै नगरी बैंकहरुमा घण्टौ लामबद्ध भएर सामाजिक सुरक्षा भत्ता लिने वृद्धवृद्धाहरुको भीड बढेको । स्वास्थ्य सुरक्षा नपनाउँदा प्रदेश-२ का आठै जिल्लामा कोरोना संक्रमणको जोखिम बढाएको छ ।

पूरा पढ्नुहोस् »

बालबालिकाको उपचारका लागि पूर्वाधारको कमी 

जेष्ठ ३०, २०७८

कोभिडको तेस्रो लहरले बालबालिकामा बढी संक्रमण हुनसक्ने जोखिम सरकारले नै औंल्याएको छ । तर बालबालिकाको उपचारका लागि आवश्यक पूर्वाधारचाहिं छैन ।  

पूरा पढ्नुहोस् »

निषेधाज्ञाले नियमित औषधि खानुपर्ने दीर्घरोगी समस्यामा

जेष्ठ २८, २०७८

कोरोना भाइरस संक्रमण रोकथामका लागि गरिएको निषेधाज्ञा लम्विदैं जाँदा नियमित औषधि खानुपर्ने दीर्घरोगीहरु समस्यामा पर्न थालेका छन् । विशेषज्ञले सिफारिस गरे अनुसारका समूह र मात्राका औषधि गाउँठाउँका स्वास्थ्य संस्थामा पाईंदैन । बाहिर गएर ल्याउन सहज पनि छैन । जसले गर्दा प्रदेश-१ हिमाली र पहाडी क्षेत्रमा दीर्घरोगीका लागि औषधि व्यवस्थापन चुनौतिपूर्ण बनेको छ ।

पूरा पढ्नुहोस् »

पाल्पामा गाउँगाउँमै पीसीआर परीक्षण शिविर,नमुना दिन बिरामी अनिच्छुक

जेष्ठ २७, २०७८

पाल्पाका ग्रामीण क्षेत्रमा कोरोना भाइरससँग मिल्दाजुल्दा लक्षण भएका बिरामी छन् । गाउँपालिकाहरुले परीक्षणका लागि शिविर नै सञ्चालन गर्दासमेत बिरामीहरु परीक्षण गर्न मान्दैनन् । यसले गर्दा संक्रमणको जोखिम बढेको छ ।

पूरा पढ्नुहोस् »

स्वास्थ्य चौकीमा प्रसूति सेवा लिनेको घुँइचो, ठूला अस्पताल कोभिड बिरामीले भरिए

जेष्ठ २७, २०७८

कोरोना संक्रमणका कारण ठूला अस्पतालले दिँदै आएका अधिकांश स्वास्थ्य सेवा प्रभावित भएकाले  कोरोनाबाहेकका बिरामीहरु कोरोना संक्रमित भर्ना  नभएका  र ग्रामीण भेगका स्वास्थ्य केन्द्रमा उपचार गर्न जान थालेका छन् । विशेषगरी गर्भवती महिलाले सुत्केरी हुन ठूला अस्पताल छाडेर स्वास्थ्य चौकी र बर्थिङ सेन्टरलाई पहिलो रोजाइ बनाएका छन् । आफू र आफ्नो शिशुको स्वास्थ्य सुरक्षाका लागि गर्भवती महिला बजारबाहिरका स्वास्थ केन्द्रमा जान थालेका हुन् ।

पूरा पढ्नुहोस् »