काठमाडौं । प्रमुख प्रतिपक्ष दल नेपाली कांग्रेसले गण्डकी प्रदेशका मुख्यमन्त्रीले विश्वासको मत लिँदा संविधानको अपव्याख्या गरिएको ठहर गर्दै असंवैधानिक कदमविरुद्ध न्याय खोज्ने निर्णय गरेको छ ।
पार्टी सभापति शेरबहादुर देउवाको निवास बुढानिलकण्ठमा आज बसेको पदाधिकारी र पूर्वपदाधिकारीको बैठकले असंवैधानिक कदमविरुद्ध कानुनी उपचार खोज्ने निर्णय गरेको हो ।
कांग्रेसले सहकारी ठगी प्रकरणमा गृहमन्त्रीमाथि छानविन हुनुपर्नेमा पार्टीको अडान कायमै राख्ने पनि निर्णय गरेको छ ।