धनगढी । आन्तरिक छलफल र गृहकार्य नपुगेको भन्दै सत्तारुढ दल नेकपा एमालेले मुख्यमन्त्री दीर्घ सोडारीलाई विश्वासको मत दिन नमानेपछि अन्तिम समयमा आज (शुक्रबार) बस्ने तय भएको सुदूरपश्चिम प्रदेश सभाको बैठक स्थगित गरिएको छ ।
आज बेलुकी ५ बजे मुख्यमन्त्री सोडारीले विश्वासको मत लिन प्रदेश सभा बैठक आह्वान गरेका थिए । तर एमालेले अन्तिमसम्म पनि मत नदिने अडान राखेपछि बैठक स्थगित गरिएको हो ।
विश्वासको मत लिन भोलि बेलुकी साढे ५ बजे पुनः बैठक आह्वान गरिएको छ । विश्वासको मत नलिँदै सुदूरपश्चिम प्रदेश सरकारमा सत्तारुढ दलहरूबीच खटपट देखिन थालेको छ ।
यसैबीच, नागरिक उन्मुक्ति पार्टीका संसदीय दलका प्रमुख सचेतक खुशीराम डंगौरा थारुले मुख्यमन्त्री सोडारीलाई विश्वासको मत नदिन निर्देशन जारी गर्नुभएको छ । नागरिक उन्मुक्तिका संरक्षक रेशम चौधरी पक्षका नेता थारूले विश्वासको मत नदिन निर्देशन जारी गर्नुभएको हो ।
यो पनि...
नागरिक उन्मुक्तिको रेशम पक्षले सुदूरपश्चिमका मुख्यमन्त्रीलाई विश्वासको मत नदिने
सुदूरपश्चिचमका मुख्यमन्त्री सोडारी संकटमा, एमालेले भन्यो- हाम्रो तयारी पुगेन
