धनगढी । सुदूरपश्चिम प्रदेशका मुख्यमन्त्री दीर्घबहादुर सोडारीले आज विश्वासको मत लिने तयारी गर्नुभएको छ ।
नागरिक उन्मुक्ति पार्टीका संसदीय दलका प्रमुख सचेतक खुशीराम डंगौरा थारुले भने मुख्यमन्त्री सोडारीलाई विश्वासको मत नदिन निर्देशन जारी गर्नु भएको छ । थारु नागरिक उन्मुक्तिका संरक्षक रेशम चौधरी पक्षका हुन् ।
आज साँझ ५ बजे बस्ने प्रदेशसभा बैठकमा मुख्यमन्त्री सोडारीले विश्वासको मत लिने कार्यसूची रहेको प्रदेशसभा सचिवालयले जनाएको छ । बिहान ८ बजे कार्यव्यवस्था परामर्श समितिको बैठक बोलाइए पनि बस्न सकेको छैन ।
मुख्यमन्त्री सोडारीले विश्वासको मत लिने तयारी गरेको भए पनि विश्वासको मत दिने वा नदिने विषयमा सत्तारुढ दल एमालेले अहिलेसम्म औपचारिक निर्णय गरेको छैन ।
