काठमाडौं । बाह्रखरी डटकमका प्रधान सम्पादक तथा पत्रकार प्रतीक प्रधानले ‘प्रेस के हो ?’ भन्ने कुरा बुझ्न नसक्दा जनताले प्रेस स्वतन्त्रताको लाभ लिन नसकेको बताउनु भएको छ । विश्व प्रेस स्वतन्त्रता दिवसको अवसरमा कान्तिपुर समाचारमा कुराकानी गर्दै उहाँले यस्तो बताउनु भएको हो ।
‘प्रेस स्वतन्त्रताको लाभ जनताले किन लिन सकिरहेका छैनन् भने पहिला त जनताले नै प्रेस भनेको के हो- बुझ्न सकेनन् । हामीले बुझाउन पनि सकेनौँ,’ उहाँले भन्नुभयो, ‘यो टेक्नोलोजिकल डेभलपमेन्टले गर्दाखेरि यति धेरै सूचना आए, ती सूचना पत्रकारिताबाट आएका हुन् कि ? व्यक्तिबाट आएका हुन् कि ? कहीँबाट बायस भएर आएका पो हुन् कि ? यस्ता कुनै कुरा जनताले छुट्याउन सकेनन् ।’
यसमा जनताको पनि दोष रहेको पत्रकार प्रधानको भनाइ छ । सूचना सर्वत्र उपलब्ध रहेको तर जनताले सूचना र समाचारबीचको भेद छुट्याउन नसकेको उहाँले औँल्याउनु भयो । उहाँले मिडिया धेरै हुँदा मिडियाका खराबीहरू पनि धेरै हुन पुगेकोसमेत बताउनु भयो ।
विस्तृतमा हेर्नुहोस् बाह्रखरी डटकमका प्रधान सम्पादक प्रधानसँग सहकर्मी श्रद्धा अर्यालले गर्नु भएको कुराकानी :-
