काठमाडौं । उच्चशिक्षा हासिल गरे पनि सीप अभावमा हजारौँ युवा रोजगारीका लागि भौँतारिइरहनु परेको छ । तिनै युवालाई सीपयुक्त तालिम दिई स्वरोजगार बनाउने उद्देश्यले काठमाडौं महानगरपालिकाले सीप मेला आयोजना गरेको छ । मेलाका क्रममा बेरोजगारलाई ब्युटिसियन, सूचना प्रविधि, मोबाइलमर्मत लगायतका तालिम निःशुल्क दिई २ हजार ८१ जनालाई स्वरोजगार बनाउने लक्ष्य महानगरको छ ।
काठमाडौं महानगरपालिकाले टुँडिखेलमा आयोजना गरेको सीप मेलामा पुग्नेमा रोजगारीका लागि भौँतारिइरहेका युवा नै बढी देखिएका छन् । मेलामा पुरोहितदेखि सूचना प्रविधि, मेकानिकल, डिजाइन, ब्युटिसियन, अटोमोबाइल तथा निर्माण सम्बन्धी ११ वटा क्षेत्रका २९ प्रकारका सीप निःशुल्क तालिम दिएर २ हजार ८१ जनालाई रोजगारी समेत उपलब्ध गराउने महानगरको उद्देश्य छ । रोजगारको खोजीमा बिदेसिने युवालाई स्वदेशमै सीपयुक्त तालिम दिई आत्मनिर्भर बनाइने महानगरले जनाएको छ ।
तालिमबाट २ हजार ८१ जनालाई रोजगारसँग जोड्ने उद्देश्यले सीप मेलाको आयोजना गरिएको हो । बेरोजगारी समस्या हल गर्न समेत सहयोग पुग्ने छ । सीप मेलाले युवाहरूमा उत्साह मात्र थपेको छैन, सीपयुक्त तालिमपछि जीविकोपार्जनमा समेत टेवा पुग्ने अपेक्षा उनीहरूको छ । सीपयुक्त तालिम पछि आफै काम गर्ने र रोजगारीमा सहयोग पुग्ने अपेक्षा छ ।
रोजगार बन्ने उद्देश्यले तालिममा सहभागी हुन आएको हो । बेरोजगार युवालाई सिपयुक्त तालिम दिई आत्मनिर्भर बनाउन सहयोग पुग्ने तालिम प्रदायक संस्थाहरू बताउँछन् । यो वर्ष ५ हजारलाई रोजगारी दिने लक्ष्य अनुसार १५ हजार जनालाई सीपमूलक तालिम दिने योजना छ ।